India Post Recruitment 2023 : कोरोना काळानंतर अनेक यंत्रणांची अर्थव्यवस्था डबघाईला आली. बहुतांश कंपन्यांनी तर आपल्या कर्मचाऱ्यांना नारळ पण दिला. अनेकांची आर्थिक घडी विसकटली. आता या कठीण काळानंतर भारतीय डाक विभागाने रखडलेल्या नोकरभरतीचे परिपत्रक पुन्हा नव्याने जारी केलं आहे. भारतीय डाक विभागाने जारी केलेल्या जाहिरातीनुसार दहावी पास असणाऱ्या विद्यार्थ्यांना देखील भारतीय डाक विभागामध्ये नोकरी करण्यासाठी अर्ज करण्यात येणार आहे.
भारतीय डाक विभागाच्या या भरतीप्रक्रियेमध्ये जागांचा तपशील काय आहे, म्हणजे कोणत्या पदांसाठी व किती जागांसाठी भरती प्रक्रिया राबवली जात आहे तसेच या भरती प्रक्रियेमध्ये भाग घेण्यासाठी पात्रता काय? ऑनलाईन अर्ज कसा आणि कुठे करायचा? जाणून घेऊयात याबाबतची संपूर्ण माहिती.
हे वाचा: How To Season 3: When Expectations Don’t Meet Reality
पदांचे नाव आणि तपशील :
भारतीय डाक विभागात ब्रांच पोस्ट मास्टर (BPM), असिस्टंट ब्रांच पोस्ट मास्टर (ABPM) आणि डाक सेवक या रिक्त पदांची भरती होणार आहे. तसेच या भरती प्रक्रियेमार्फत तब्बल 40 हजार 889 रिक्त जागा भरल्या जाणार आहेत.
शैक्षणिक पात्रता :
भारतीय डाक विभागात नोकरी करण्याकरिता प्राथमिक शिक्षण हे दहावी उत्तीर्ण असणं आवश्यक आहे. यासोबतच मूलभूत संगणक प्रशिक्षण कोर्स प्रमाणपत्र म्हणजेच MSCIT हा राज्यसरकार पुरस्कृत कोर्स पूर्ण असणे गरजेचं आहे.
वयाची अट :
भारतीय डाकच्या भरती प्रक्रियेत अर्ज करण्यासाठी अर्ज करणाऱ्या उमेदवाराचे वय 16 फेब्रुवारी 2023 रोजी 18 ते 40 वर्षे या दरम्यान असणे आवश्यक आहे. तसेच SC आणि ST या प्रवर्गाच्या उमेदवारांना वयात 5 वर्षे सूट देण्यात आली आहे तर OBC या प्रवर्गासाठी 03 वर्षे सूट देण्यात आली आहे.
हे वाचा: Why Conspiracy Theorists Always Land on the Jews
परीक्षा शुल्क :
भारतीय डाक विभागाच्या भरती प्रक्रियेत भाग घेण्यासाठी अर्ज करताना जनरल, OBC आणि EWS या प्रवर्गातील उमेदवारांना 100 रुपये शुल्क भरावे लागणार आहे तर SC, ST, PWD आणि महिला यांच्यासाठी कोणत्याही प्रकारचे शुल्क नसणार.
अर्ज कसा आणि कुठे करायचा?
अधिकृत वेबसाईट : डाक विभागाची अधिकृत वेबसाईट पाहण्यासाठी येथे क्लिक करा.
जाहिरात (Notification) : डाक विभागाच्या नोकरी संबंधितची अधिकृत जाहिरात पाहण्यासाठी येथे क्लीक करा.
हे वाचा: Rashi Bhavishya : 30 मार्च 2023 : आज तुमचा दिवस कसा राहिल? वाचा…
ऑनलाईन अर्ज : ऑनलाईन अर्ज करण्यासाठी येथे क्लिक करा.
महत्वाच्या तारखा :
भारतीय डाक विभागातील भरती प्रक्रियेत अर्ज दाखल करण्याची शेवटची तारीख 16 फेब्रुवारी 2023 पर्यंत असणार आहे. तर अर्ज अर्ज संपादित (Edit) करण्यासाठी 17 ते 19 फेब्रुवारी 2023 वेळ देण्यात आला आहे.