Why marriage registration certificate is required? How to register? : लग्नानंतर विवाह प्रमाणपत्र हे वधू आणि वराच्या वैवाहिक बंधनाचे कायदेशीर प्रमाणपत्र देणारे दस्तवेज आहे. बहुतांशी सरकारी कामकाजात या प्रमाणपत्र गरज लागतेच. मात्र, बहुतांशी जोडपे लग्न केल्यानंतर महापालिका, नगरपरिषद अथवा ग्रामपंचायतीमध्ये नोंदणी करून विवाह प्रमाणपत्र घेत नाहीत. नंतर काही कामास्तव गरज भासल्यानंतर प्रमाणपत्र मिळविण्यासाठी धावपळ केली जाते. चला, तर विवाह नोंदणी प्रमाणपत्रासाठी कोणती कागदपत्रे लागतात? नोंदणी कशी करायची? या लेखामध्ये जाणून घेऊयात…
नोंदणीनंतर 3 ते 4 दिवसांत प्रमाणपत्र : विवाह नोंदणी प्रमाणपत्रासाठी महापालिकेत अर्ज केल्यानंतर आणि आवश्यक त्या कागदपत्रांची पूर्तता केल्यानंतर अवघ्या तीन ते चार दिवसांत हे प्रमाणपत्र मिळते. यासाठी वधू व वराचा शाळा सोडल्याचा दाखला व रेशनकार्ड, वधू व वराचा लग्नाचा फोटो व लग्नपत्रिका, 100 रुपयांच्या स्टॅम्पपेपरवर प्रतिज्ञापत्र, 110 रुपयांची स्टॅम्प तिकिटे, तीन साक्षीदार व पुरोहिताच्या रेशनकार्डची झेरॉक्स, घरपट्टी किंवा नगरसेवकाचे ओळखपत्र आदी कागदपत्रे लागतात.
हे वाचा: 17 फेब्रुवारी 2023 : आज तुमचा दिवस कसा राहिल? वाचा…
प्रमाणपत्र आवश्यक का? : या प्रमाणपत्राला कायदेशीर अधिकृत कागदपत्र म्हणून मान्यता आहे. यामुळे बालविवाहांवर आळा घालता येतो. हे प्रमाणपत्र विधवांना वडिलोपार्जित मालमत्तेवर दावा करण्यासाठी महत्त्वपूर्ण ठरते. द्विपत्नी व बहुपत्नीत्व विरुद्ध कायदेशीर हक्क लढता येतो. विभक्त कुटुंबात स्त्रियांना मुलांसाठी कायदेशीर हक्क लढता येतो. तसेच पासपोर्ट, बँकेचे कर्जप्रकरण, विम्यासाठी दावा आदी कामांसंदर्भात हे प्रमाणपत्र गरजेचे ठरते.
नोंदणी कशी कराल? : शहरातील रहिवासी असाल तर महानगरपालिका, नगरपरिषद, नगरपंचाय येथे विवाह नोंदणी विभाग कार्यरत असतो. नोंदणीसाठी त्या ठिकाणी फॉर्म मिळतो. प्रथम हा फॉर्म भरून त्याला आवश्यक ती कागदपत्रे जोडा, मग त्यानंतर प्रमाणपत्र मिळते. गावाकडील रहिवासी असाल तर ग्रामपंचायत कार्यालयातूनही हे प्रमाणपत्र काढता येते.
